I podkasten Leselaget inviterer vi nokre av våre fremste forfattarar til å lese ein klassikar og snakke om den. Velkommen til Leselaget les Leskov!

Forfattaranes forfattar?

Forfattarane Linn Ullmann, Kathrine Nedrejord og Edvard Hoem er alle aktuelle med tekstar på Det Norske Teatret våren 2025. No har vi fått dei til å lese kortromanen Lady Macbeth fra Mtsensk frå 1865 av den russiske forfattaren Nikolaj Leskov.

Det blir sagt at Leskov er den mest russiske av alle russiske forfattarar. Ein språkets meister og blant de finaste forteljarane i russisk 1800-tallslitteratur. Men Leskov hamnar ofte i skuggen av dei store realistane som Dostojevskij og Tolstoj.

Dramaturg Ingrid Weme Nilsen er programleiar for Leselaget, og i løpet av podkastserien skal ho undersøke om det stemmer at Leskov er «forfattaranes forfattar». Bør vi alle lese Leskov?

Lady Macbeth frå Mtsensk er ei kort forteljing på ca. 60 sider. Men på desse få sidene får du ei uhyggeleg historie, full av stormande kjærleik, store svik og drap på rekke og rad. Og i sentrum av det hele står den unge, vakre kjøpmannskona Katerina Lvovna Ismajlova.

Bli med i laget!

Vi vil gjerne ha med deg i Leselaget også! Lady Macbeth frå Mtsensk er dessverre ikkje lengre mogleg å kjøpe på norsk i bokhandelen. Men du kan låne ho på biblioteket eller kjøpe boka på eit antikvariat. Ho ligg også gratis tilgjengeleg i digital versjon på Nasjonalbiblioteket sine nettsider: www.nb.no.

Våren 2025 speler Det Norske Teatret framsyninga Lady Macbeth, basert på teksten til Nikolaj Leskov.

Hosted on Acast. See acast.com/privacy for more information.

Grafico: Apple Podcasts – Danimarca – Libri

Storia della classifica