大家好，歡迎嚟到《靈性咖啡室 - 梁芷瑩》。
我係 Cathy，一位結合靈性、自我成長同創業指導嘅教練。

曾經，我都係一位標準嘅月光族——有份「睇落穩定」嘅工作，但無論點努力，錢都留唔住。為咗搵出路，我曾經投資咗接近二十萬港元去學習各種身心靈療癒，但最終發現，答案唔喺外面——而喺我內在嘅轉化。

2020 年，我開始成為阿卡西紀錄解讀師，用高維度嘅智慧重新理解我自己。可惜，靜心帶嚟內在平靜，卻未能即時解決金錢、關係上嘅痛點。我依然為財富焦慮，感情上亦只係停留喺「安全但無火花」嘅狀態。

直到 2021 年，我將靈性、自我成長同創業系統結合，開始活出一個全然唔同嘅人生。

而《靈性咖啡室》就係我想送比你嘅空間——
喺這度，你唔需要裝堅強，唔需要表現完美，只需要一杯咖啡嘅時間，聽我同你分享靈性與現實世界點樣可以同行。

無論你係心靈工作者、創業者，定係一位內心迷失緊方向嘅人，我希望呢個頻道，可以畀你勇氣，畀你靈感，陪你行過轉化人生嘅路。

因為我相信——
你聽嘅唔只係聲音，而係你靈魂想聽見嘅回音。

Chart: Apple Podcasts – Hong Kong – Mental Health

Ranking history